حُـلَـم ضـآئـع مابين [العين]و[دبي]..رواية إماراتيه بقلم:غلا الرميثات

الجزء الثالث

سيهل:ياالهبببببله .. انا قصدي استويتي دببببه خفي اكل
حمده بلعت ريجها وقالت:هاااا..إن شاء الله
قام سهيل وراح عند حمده وحبها على خدها وهمس في اذنها وقال
سهيل:يابخت عبدالرحمـآآآن فيج يا حمدوووه
حمده جلب ويها إلى لون احمر:.............(وأكتفت بأبتسامه دافئه)
وظهر سهيل وحمدان وصل حمده الكلييييه وأول ماوصلت راحت الكانتين لأن دوم هي ومريوم ربيعتها يتلاقن هناااك ..المهم وتلاقن حمده سلمت ع مريم
حمده:مريووووم شحالج؟؟!
مريم:بخير ربي يعافيج وانتي شحالج؟؟!
حمده:مب بخييييير..
مريم:أفــآآآآآآآ لييييش عاد يابنت سلّـوووووم
حمده ضربت مريم ع راسها وقالت:سـلّـوووووم فعيييينج
مريم تضحك:هههههههه .. انزين لازم تكونييين ريلاكس يوم بنروح عند الدكتوره زييييين؟؟!
حمده تنهدت:إن شاء الله .. بحااااول
وفي بيت عبدالرحمن
مروه واخوها عبدالرحمان كانو يتريقون وقامت مروه وقالت
مروه وهي واقفه:الحمدالله..
(وكانت بتسيير بس مسكها عبدالرحمان من إيدها وقال)
عبدالرحمن:من بنــته هــييييي؟؟!
مروه وهي أطالع إيد عبدالرحمن:ما ادري ما اعرف غير اسمها
عبدالرحمن:شو اسمهاااا؟!
مروه:ممكن تهد يديه..(هد عبدالرحمن إيد مروه وعقب مروه كتفت إيدها وقالت)..أسمها حمده
عبدالرحمن وكأن حد معطنا كف:هـآآآآآآآآآ!!!!(وانتبه ع عمره وقال)واسم ابوها؟؟!
مروه قربت راسها وقالت:عبااااادي انا اعرف انك موافق تاخذنها عرفتك من اسلوبك بس ولا يهمك اليوم بيب لك كل المعلومات عنها زيييين
عبدالرحمن:خييييير يا بنت احمد
وطلعت مروه وراحت دوامها وسار عبدالرحمن دوامه وفي دوام عبدالرحمن قاعد عبدالرحمن ع مكتبه وسرحان ويفكر في البنت ويقول في نفسه
عبدالرحمان:[لاء لاء ياعبدالرحمن انت تاخذ وحده حامل ومايندرا من هو ابوها مستحييل انا اربي ولد مب من دمي..حمده .. مروه قالت ان اسمها حمده بس بس .. بس لاتكون حمده خت سهيل وإذا هي مع منو طلعت وليش هي تكلم شباب وكيف تجرأت تطلع مع واحد......] وقطع حبل افكاره سالم وكان يكلمه وبس لقط كلمة ......
سالم:.........ها شو قلت يابوعووووف
عبدالرحمن:اقول عن شووووو!!
سالم يضحك:ههههههه..قلنا بنروح نكشح في عوافي كمن يوم وبنرد ها
عبدالرحمن:لا لا..أسمحلي ما اقدر مشغول شوي هاليوميين
سالم:زين عيل على هوااك انا ساير المكتب شي في خاطرك
عبدالرحمن:لا..
وقام سالم ويوم وصل عند الباب قال عبدالرحمن
عبدالرحمن:تعال تعال ,,بوغنييييم.. انت كيييييف حدرت المكتب
سالم يدق ع الباب:من هالشي فتحته وفتح وحدرت (وأبتسم وكان يحرك حواجبه بشكل متكرر)
والساعة 10:40 صباحاً حمده ترمس مريم ربيعتها
حمده:يلا مريووووم بنتأخر ع الموعد
مريم:انزيييين بس شبيير مايرد ع التلفون انا شو اسوي
حمده بدأت اتوتر:أوووووف.. والله بديت اتوترر..
مريم:حمدي اذكري ربج مابيصير إلا كل خير ان شاء الله..
حمده: إن شاء الله .. لا إله إلا الله
مريم:شبيرووووو وخييييييبه وينك انت وانا ما اقولك تعالني الكولج الساعه عشر,,لييييش انت في تأخيييير هــآآآآآآآ
شبير:مريوووم انت ليييش كلو صارخ صارخ انا في تأخير مافي بيترول انا سوي بترول داخل شيشا يلا روح برع انا مناك..
مريم:انزين يلا باي
مريم وتوجه الكلام لـ"حمده":يلا حمدووه الدريووول خاري
وفي المستشفى وقعداً يترياً الدور
حمده:مريوم يلا بنرد البيت.
مريم:ولييييش إن شاء الله ومب انتي امس مستانسه لأن الدكتوووره تقولانها بتعطينا الحل اليوووووم
حمده:ما أدري ما أدري .. بس انا بعد مش مرتاحه من هالحل إلي بتعطينا إياه
النيرس:حمده سالم ..حمده سالم
مريم:يلا قومي يا دورج
وقاماً وراحن عند الدكتوره وحدراً عندها
مريم وحمده:السلام عليكم
الدكتوره مروه وهي مبتسه:وعليكم السلام والرحمة
وقعداً مريم وحمده ع الكراسي وقالت الدكتوره لـ"حمده"
الدكتوره مروه:شحالج يا حمده..؟؟!
حمده تنهدت:بخير ربي يعافيج.. انتي شحالج يا دكتوره..؟؟؟؟؟!
الدكتوره مروه:أنا بخير إذا انتي بخيير
مريم:دكتوره بشرينا شو الحل إلي حصلتي
دكتوره مروه نزلت راسها
مريم:شو دكتوره لييييش موطيه راااسج..؟؟!
دكتوره مروه رفعت راسها وبدأت تقولهم شو كان الحل بس ان اخوها رفض و..............إلــخ..
حمده:لا يا دكتوره اخوج هو إلي معاه حق لأن الغلط مني انا .. انا الغلطانه كيف انا اركب مع واحد بمجرد انه هو قالي ركبي وركبت انا وياااااه
في هاللحضه رن تلفون الدكتوره مروه وقالت:اسمحولي برد على المكالمه
مروه وهي اتكلم فالتلفون:آلـو..مرحبتين ياهلا..الحمدالله..وانت شحالك؟؟..خير..الخميس..مساء..لا زين يناسبني..اوكيه..تحمل ع روحك فمان الكريم..
وسكرت الدكتوره مروه التلفون وقالت:انزين شوكنا نقول
مريم وهي مبتسمه:سلامتج ولاشي انتي قلتيلنا الحل وما نفع ونحن الحين بنظهر
وقاماً مريم وحمده وطلعاً وكان شعرو حمده عكس شعورها بالأمس تماماً من حزن ويأس وخيبت أمل
ومرت الايام وقرب يوم العزيمه يوم الخميس والساعه 5 العصر حمده اتصلت للدكتوره مروه عشان تعزمها وقالت مروه
مروه:لا اسمحيلي يا حمده انا اليوم معزومه عند الاهل
حمده:أفااااا..اناقلت انتي بتين لان نحن بيونا ناس في عمري ما عرفتهم وقلت انتي بتين .. يعني.....
مروه وتبتسم ابتسامه خفيفه:لاء إن شاء الله بتعرفينهم وإن شاء الله تبحبينهم
حمده:إن شاء الله .. خلاص عيل انا بسكر منج شي في خاطرج من صوبي
مروه:لاء سلامتج بس لاتنسين عامليهم من احسن ما يكون انزين
حمده:إن شاء الله .. ماطلبتي دكتورتيه
مروه:يلا عيل فمان الله
حمده:فمان الكريم
وسكرت حمده من مروه وهي تفكروتقول:ياترى اخت عبدالرحمان كيف بتكون طيوبه مثل مروه ولا بتكون إنسانه شديده معايه .... وبعدين سهيل قال ان هي اخته الوحيده فأكيد بتحاول تسوي اي شي عشان تبعدني عن عبد الرحمان..لا لا مب يمكن تكون حبوبه وطيوبه مثل مروه او ربششه مثل مريوم ويمكن تكون لي الأخت الثانيه من بعد شوييخ ختيه.
وتمت حمده تفكر وعالساعه 6:41 عصراً قامت حمده وخذت إلها شور ومن عبقها لبست أحلى لبس عندها لبست فستان بس بسيط لونه نيلي ساده مافيه لاشك ولا اي شي غير بس كانت حاطه حزام لونه احمر عريض على خصرها وحطت مناكير لونها احمر أما المكياج فأكتفت بالجحال وجلوس خفيف يعني عشان يشوفونها بطبيعتها وشعرها لفته عادي ونزلت قصتها وقصتها وطويله ما شاء الله توصل عند بداية رقبتها وبس ولبسة شيله سودا وفيها شغل بالأحمر وجي خلصت كشختها ونزلت حمده تحت وزقرت على سواتي(بشكارتهم)
حمده:سواتيييي..
سواتي:نــعــمم..
حمده:حطي صخاام
سواتي:جيييين..
وحطت سواتي الصخام وحمده يلست فالصاله اتريا اختها شيخه وطبعاً ماننسى أنها لابسه نعال(عزكم الله)الأحمر الكعب وكانت حاطه ريل ع ريل ودخل عليهاسهيل اخوهاويوم شاف حمده قال
سهيل:انتي لييييش سموج حمده ماادري..انتي لازم يسمونج ملاك ولاقمر ولانوور مب حمده
حمده افترت صوب سهيل وقالت وهي رافعه حاجب واحد:انت تكلمني(وتأشر على عمرهااا)
سهيل قعد عدال حمده:من حقج يا ملاك ترفعين خشمج علينا من حقج
حمده ولا كأن حد يرمسهاوقالت:سواتيييي وين الصخام
سهيل:آلــووووووو نحنو هنــآآآآآآآ
وشوي وان سواتي يايبه الصخام وبدأت حمده ادخن البيت وادخن عمرها وبعد نص ساعه وكانت الساعه 7:20 دخلت عليها شيخه اختها و حمد وولدهم راشد واتوايهو وقرب حمد فالميلس ووياه ولده راشدوحمده وشيخه يالسات فالصاله وحمده كانت ترمس شيخه وتقوللها
حمده:شوييييخ وانا وايد زايغه تدرين يمكن ارفض العرس
شيخه:ولييييييش يا الخبله..خذيه وقهريي سلّووووووم وخليه يندم لانه ما تقدملج .. أقهريييه صدق انج ما تعرفين
حمده تضحك:هههههه..الصرااااحه انتي تنفعين اتصيرين عمه والله يعين حرمة راشد علييييج
شيخه تضحك:ههههههه..تصدقين ان راشد يقول انا يوم بعرس ما باخذغير طيف
حمده:ما شاء الله من ألحيييين الريال مخطط ومقرر منو ياخذ
شيخه:هيه شفتي عااااد
وشوي وان سهيل حادر عليهم فالصاله وقاللهم..
سهيل:خواتي ترا العرب وصول و الريال ياهو مع اخته بس وانا بظهر وبتلقّا لـ"عبدالرحمان"وانت اظهر لاخته
وظهر سهيل وشيخه وحمده ظهرن متغشيات من عبدالرحمان وعقب دخلاً الحرمات داخل الصاله واول وحده حدرت حمده وعقت الغشوه وقالت
حمده:عقي الغشوه محد فالبيت غيري انا وشيخه ختيه وانتي والبشكاره
وعقت أخت عبدالرحمان"مروه"الغشوه وكانت هنيه الصدمه لـ"حمده" ولـ"مروه"في نفس الوقت
في هاللحضه قالت شيخه:اسمحولي بروح شوي وراجعه
حمده ومروه:بالحل
وسارت شيخه المطبخ وعند حمده ومروه
حمده:انتي اخت عبدالرحمان
مروه:انتي إلي كنت بيوزج اخويه بالغصب وطلعتي انتي البنت إلي أخويه بيموت وياخذها
حمده:مب هنيه المشكله يا مروه المشكله لوقلتيله ان البنت إلي تحبها نفسها البنت الحامل شو بتكون ردت فعله
مروه:ما ادري ما ادري..مخي انشل من التفكييير
حمده بصوت واطي:انزين خلاص سكتي اكي شويخ يايه (بصوت عالي وواضح)انزين وبعد شو من العلوم عندج
شيخه:ماشاء الله عليج ياحمدوووه يودي لسانج شوي .. (ووجهت الكلام لـ"مروه")السموحه منج يا ختيه ترا حمدووووه من النوع إلي تاخذ وتعطي مع الناس بسرعه
مروه تضحك:هههههه .. ماشاءالله عليها الله يخليها ذخر ألكم
______________________________ ____________________ ____
وعند الريايل وضحكتهم واصله لأخر الدنيا
سهيل:خلاص عيل مدام جي السالفه عيل من الحين ببيعها عليك
عبدالرحمن:لا لا لا دخييييلك يا خويه انا مافيني لعثرت السياير مره ودها الوكاله ومره ودها الكراج خلها عندك ولا عطها حمدان يمكن هومحتاينها
حمدان:لا ياعمي انا عندي لكسز وسادني ما باه شي غيره
ابوسيهيل:عيالي انتو اتعازمون ع برميت ولا شو
حمد يضحك:هههههه..لاياعمي عند سهيل جيب جانك تحيده الجيب الاسود
ابوسهيل:هيه بلاه..
حمد:سهيل مايباه وبـيـبايعه لـ"عبدالرحمن"وعبدالرحمن مايباه وبيبيعه على حمدان وهالسالفه كلها
ابوسهيل: انا اباه للعزبه بتبايعني أياه يا سهيل
سيهل:لا يابويه انا مابـبايعك أياه انا بعطيك عطيه
______________________________ ____________________ ____
ورد عندالحرمات وطبعاً بوجود ام حمد
ام حمد:شوفي يابنتي نحن مب من كثر شروطنا يبا يسكن البنت في بيتكم ماعندا خلاف يبا يسكن في بيتنا يامرحبابه يبا يفتح له بيت ويسكن بروحه الله يوفقهم بس نحن شرطنا انها تخلص دراستها اول شي وبعدين العرس وهي مب باقيلها غير 6 شهور وتخلص الكليه
مروه وهي مبتسمه:أنزين يا خالتيه ماقلتونا كم تبون مهر لبنتكم
ام حمد:والله يا بنتي اسمحيلي ما اقدر ارد عليج لان هالشي بينهم هم هل البيت انا بس يايه واقولكم شو شروط البنيه وبس.
المهم واذن العشا وصلو الحرمات والرياييل راحو المسيد وعقب حطو العشاوتعشو وحلو ومن عقب الحلو العود وعند الرياييل
عبدالرحمن وقف وقال:أكرمكم الله
حمدان:وين بعدنا يلوس
عبدالرحمن:لا إن شاء الله اليايات اكثرر
ابوسهيل:الله يحفظك يابويه وإن شاء الله ما تسمع إلا إلي يسرك إن شاء الله
عبدالرحمن:ان شاء الله..سهيل
سهيل:لبييييه..
عبدالرحمن:لبيت في منى..بس ماعليك امر خل حد يزقرلي ختيه من داخل
سهيل:إن شاء الله..
وراح سهيل عند راشد وقاله بصوت واطي
سهيل:راشد روح داخل عند الحرمات وقول للحرمات السريه وعقب تعال زين
راشد:أنزين.
ورا راشدعند الحرمات و وقف عند الباب وقال بأعلى صوته
راشد:السرييييييه(ورد عند الريايل)
مروه وقفت وقالت:يلا نحن نترخص منكم شي في خاطركم
أم حمد:لا ما في خاطرنه غير سلامتكم
مروه:الله يسلمج من عذابه
ووايهت مروه الحرمات وظهرت وركبت السياره ويوم وصول البيت قال عبدالرحمن لـ"مروه":بشري شو صار عندكم
مروه بخوف:هااااا..لاء ما صار شي
عبدالرحمن:مراوي انا اعرفج عدل يلاقولي
مروه وبعد ما جمعت كل قوتها قالت:عبادي البنت إلي انت تحبها هي نفسها إلي انا كنت بخطبها لك ومثل ما قلتلك قبل انا كنت اباك تاخذها للستر بس الحين طلعت انت تحبها .. تحبها .. تحبها
عبدالرحمن انصدم من الكلام إلي سمعه وقال:انتي جذاااابه جذااااابه جذاابه
مروه:لا والله أني ما اجذب علييييييك..غلاتك
عبدالرحمن حط إيده على راسه ويلس ع الكرسي وقال:مستحييييييل وانا إلي اقول هي البنت الوحيده بتكون أنظف وأشرف بنت من بعد روييييض طلعت إلا من طينتهااا.(وبدت دموع عبدالرحمن بالتساااااااقط)
مروه يلست ع الأرض ومسكت إيد اخوهـآ وعيونها ممزوره من الدموع:لا لا ياعبدالرحمن ترا حمده أطهر واشرف بنت حتى اطهر من رويييييييض
بس..بس..هي كانت مجبوووره
عبدالرحمان:مجبوره كيف مجبوره يعني هي قالت له تعال وركبت معاااه؟؟!
مروه:لااااء
وفي مدينة دبي منطقة جميرا
يوم الجمعه الصبح الساعه 7:30 قام سعيد من النوم ويوم شاف شهلا عدالة قال في نفسه
سعيد:[الحمدالله يا شهلا الله جمعنا تحت سقف واحد بعد ما تحدينا الكل العالم وما قلنا الناس بتقول وبترمس دسنا ع كرامتنا عشان نوصل للمكان إلي نحن نباه والحمدالله وصلنا بفضل الله].
وفي نفس البيت عند مشاعل وقامت ع رنة تلفونها وردت عليه والنوم في عيونها وقالت
مشاعل والنوم غالب عليها:آلــووو
حمدان:آلــووو..ها منصوور لين الحين نايم شو اليوم الجمعه ونحن قايلين بنروح شمال ولا نسيييييت
مشاعل مش مستوعبه الكلام إلي تسمعه وما عرفت شو تقول بس أكتفت بالصمت
حمدان:منصوووور ..بلاك ما ترد عليا لا يكوووون نمت(وفجأه صارخ حمدان وقال)منصووووووووووور
مشاعل:ويييييييييعه..طرييييييت ذنييييييه..شوي شوي
حمدان أستغرب من الصوت ورد وطالع الرقم عدل مره ثانيه وعقب ما تأكد من الرقم ظرب جبهته وقال:[شو هالعمى إلي صابني مره وحده شو ياب الـ7 عند الـ1]
(مشاعل ومنصور ارقامهم متشابه بس مشاعل أخر رقم هوالـ7 ومنصور أخر رقم هوالـ1)
وطبعاً حمدان توهق ما عرف شو يقول عقب قال
حمدان:السموحه منج يا اختي ما كان قصدي ازعج السموحه توني تفطنت ان خويّ بايع الرقم ع واحد من الشباب ويمكن يا عندج أسمحيلي مره ثانيه
مشاعل:مسموح مسمووح .. ياأخوووويه..بس هالرقم عندي من 3سنين (مشاعل قالت في قلبها[لا تحاول ترقع لعمرك خخخ])
حمدان:خلاص قلنا أسفين يلا مع سلامه
وسكر في وجهها وما تريارد من البـنت
حمدان بـتوتر:أووووف شو هالبنت النشبه
حمده يت من ورا حمدان وقالت:مــنوووووو..! النشببببببه؟؟! هــآ
حمدان نقز لأن حمده خوفته قال:بسم الله الرحمان الرحيم..انتي من متى هنيه
حمده تضحك:ههههههه..من يوم انت تقوللها"السموحه توني تفطنت......"
(وتكمل ضحكها)ههههههه
حمدان:زييين..يلا انا بروح شي في خاطرج من صوبي؟؟!
حمده:هيه نعم ..
حمدان:شووو!!
حمده:أعترف حلوووو صوتها صح صح لا تقوووووول لاااااء..!
حمدان حك شعره وعقب قال:الصرااااحه صوتها..واااااااايد غااااااااوي صدق صدق ولاتغريييد الطيوووووور ولازقزقت العصافيييييير
حمده تصفر:يـااااااااااه..له له له ..ماأروووووووم انا ع هالكلااااام..وييييينج يا مجهوووووله تعالي وسمعي الكلام إلي ينقال عنج
حمدان بأستغراب:مــنــوووووو..! المجهووووله..؟؟؟؟؟؟؟؟؟؟!!
حمده:إلي كلمتها ع الفوون منو بعد؟!
حمدان كان يبغي يفتك من حمدووه النشبه وقال:حوووو قومي سويلي ريوووق يلااااا..
حمده:سووووري..ما اقدر
حمدان:وليييش إن شاء الله؟!
حمده:هييييييك(وحطت صبعها السبابه ع مخها وقالت)ع مخييييي
وفي بيت عبدالرحمن بن أحمد وطبعاً النوم كان مجافيه طووول الليل وكان يفكر في هالبنت وكيف بتكون حياته معاها هل بتكون مثل روضه ولامثل البنت إلي كان يتمناهاتكون حلاله؟؟!
طبعاً عبدالرحمن كانت متزروج وحده أسمها(روضه)وعاش معاها سنه ونص وطبعاً عبدالرحمن في يوم من الأيام عرف انها تخونه وطلقها لأن مستحيل عيش مع وحده تخوونه .. وهذاك اليوم وقبل 6 سنين

انا أعتقد لين ألحين من جهتي كفيت و وفيت ويا دوركم قولولي رايكم فالقصه مبدئياً وتوقعاتكم فالأجزاء القادمه ..